„Den letzten beissen die Hunde!“ Das Sprichwort het sech
widermau bestätiget… Drbi bini würklech Punkt sibni am Wiehnachtsmärit gsi!…Nume
leider am Fautsche!… Aber das isch ja iz eigetlech glich…I ha de dr Wäg  zum
Münsterplatz du doch no gfunge. Aber äbe leider aus Letschte…Was när passiert isch
chame ar fougende Konversation zwüsche dr Momo u mir entnäh:Ig zur Momo: „Hallo
Momo!, geits dr guet?“Momo zu mir: „Hallo Simu!, schribsch es Brichtli?“[…]Okey,
de machi das haut!… A däm doch sehr früehligshafte Wiehnachtsmärit si ou
dBärngliders verträte gsi. Bi feinem Glüehwii isch natürlech nume über eis gret
worde:Flüge, flüge, flüge u nomau flüge… Dr Danneker us em färne Wallis het vo
Fiesch gschwärmt ud Momo u no viu Angeri vo Flugreise no witer im Süde…Es isch ja
im Momänt grad wider e Delegation Gliders us Bundesbärn zAndalusie am umeschwire!
…Da schribt de sicher wider öber Angers es Brichtli! 😀 Hehe!…Nach es paar
Tasse Glüewii u no viu meh Röibergschichtli hets is de glich no i ne Beiz
verschlage, womer no öbis Feschts zu üs gno hei.I würd säge es isch e sehr e
luschtige Abe gsi!E liebe Gruess u aune e guete Rutsch ids nöie
Jahr!Simu

Leave a comment

Deine E-Mail-Adresse wird nicht veröffentlicht. Erforderliche Felder sind mit * markiert.